Mintzalagunak Finlandian
2012, Urtarrila 29 - 13:57 — benitoMintzalagun bikote bat sartu da Finlandia umore saioan. Armando eta Igone dute izena.
Via @garaigoikoa
Berbalagunak aprobetxategi hutsak dira kar-kar-kar eitb.com/eu/bideoak/oso…
— Txerra Rodriguez (@garaigoikoa) enero 29, 2012
Mintzodromoak, mintzalaguna eta lagunak
2012, Urtarrila 3 - 21:58 — benitoLagun onak direla ematen du Mintzodromoa eta Mintzalaguna. Ez legoke gaizki lehendabizikora inguratzen dena bigarrenera inguratzen lagunduko bagenu. Biek gauza bera bilatzen dute: harreman berriak euskaraz sortu eta harreman zaharrak euskaraz berritu.
Azkenotan agertu diren Mintzodromoen inguruko gogoeta egin du Iñaki Arrutik.
Lagundromoa eta ñoñostiarkeriak (Euskara Gipuzkoan)
Euskararen plazerra
2011, Otsaila 27 - 16:10 — benitoMintzapraktikan ari direnekin ibili dira solasean Berriakoak, eta erreportaia batera bildu dizkiguten ikasle-praktikari horien esanak.
Mintzalaguna enpresetan
2011, Otsaila 25 - 18:31 — benitoPosible al litzateke enpresetan egitasmo hau zabaltzea? Laneko hizkuntza euskaraz izatea bultzatzeko lagungarri izan daitekeela uste dut. Askotan lan giroa erdarazkoa izaten da eta oso onuragarria litzateke talde desberdinak sortzea euskaraz hitz egiteko konpromisoa hartuko luketenak.
Enpresa bateko esperientziaren harira galdera hori planteatu du Leirek Bai Euskarari ziurtagiaaren blogean: Mintzalaguna proiektua, enpresetan bideragarria?
Mintzalaguna... Amsterdamen
2011, Urtarrila 29 - 16:18 — benitoHizkuntz-bikoteak, mintzalagunak eta halakoak ez dira gurean bakarrik egiten. Ideia hor dabil aspaldian, etorkinen integrazio lingustikorako bide bezala, eta bertako hizkuntzarentzako ate gisa.
Herbehereetan ere euren hizkuntzaren ateak zabaldu nahi dizkiete etorri berriei, eta Kletskoppen (Jengibre gailetak) bataiatu dute ekimena. Funtsean etorri berriak eta bertakoak harremanetan jarri hizkuntzan eta hizkuntzaren ingurumarian apurka-apurka bertakotzeko.
Via Nodos Ele.
Arabako Mintza Eguna
2010, Abendua 19 - 18:35 — benitoEuskal Herri osoko mintzalagunentzako Mintza Eguna ezaguna dugu, Araban herrialdeko praktikarientzako Mintza Eguna antolatu dute urtarrilaren 15ean Gasteizen.
Euskara bidelagun: Aiaratik bideoa
2010, Abendua 9 - 13:18 — benitoAiarako Berbalagunek eta Aiaraldea.com atariak spot hau prestatu dute Arabako bailara horretako biztanleak euskara praktikatzera animatzeko.
Mintzalaguna, Berbalaguna, Mintzakide
2010, Azaroa 29 - 01:37 — benitoEuskadi Irratiko Amarauna saioan mintza-praktikan ari diren hiru egitasmo sinonimorekin jardu dute gaur.
Mintzaeguna 2010: Arrasaten aurten
2010, Maiatza 6 - 15:13 — benitoPraktikatu.com eta beste inbento batzuk
2010, Otsaila 11 - 17:16 — benitoEuskara praktikatzeko leku berri hau agertu da bilatzaileen basoan halako batean, ez da bakarra izan, azken egunotan beste pare bat agertu dira: topaleku.com eta berbasarea adibidez.
Derrepentean agertu dira, azalpen eta informazio handirik gabe -informazio kanpaina zikuren bat gehienez- baina erakunde publikoen logotipoak ondo erakutsita eta diru-laguntzen deialdien eta administraziotik sustatutako lehiaketen gerizpean (erakunde batzuek jada ez gaituzte harritzen). Berrikuntza eta teknologia berben arrimuan beti ere, eta praktikaren munduan aspaldian lanean ari direnekin harreman handirik gabe. "Webmamuak" hitza aipatu du baten batek hortik.
Tira, bolbora asmatzea ez dakit noraino den eta ideia biribil eta berritzailea, baina ongi etorriak denak zerbaitetan lagunduko badute.
- 1
- 2
- 3
- 4
- hurrengoa ›
- azkena »