Desagertzea nahi dutenen kontra
2009, Urria 24 - 01:51 — benito...nire gurasoen hizkuntza, aitita-amamena, neurea defendatu. Nire seme-alaben hizkuntza izan dadila nahi dudana. Eta borrokatu gure hizkuntza desagertzea nahi dutenen kontra, latina itzali zen bezala itzaltzea nahi luketen horien kontra.
Santiagon lehengo igandean egin zen manifestazioan esandako hitzak (8').
Bihar Baionan berdin-berdin esango dute askok seguruenik.
Naturaltasuna eta komunikazioa vs. konpromisoa
2009, Iraila 29 - 14:30 — benitoPena ematen dit, Patxi Lopez, Euskal Autonomia Erkidegoko Lehendakaria, euskaraz hitz egiten antzemateak. Saiatzen da, baina bere euskarak ez dit naturaltasunik transmititzen. Saiatzen da, baina bere euskarak konpromisoa helarazten dit. Ez dit ezer komunikatzen, ez bada eta, paperera lotuta, bere traketsean, euskararen arroztasuna.
Besteek inbidia ematen didate (Zuzeu.com)
Naturaltasuna, komunikazioa... Ebaluazio irizpide "komunikatiboak" ez dira hain arrotzak bada.
Politikariak eta errespetua
2009, Uztaila 21 - 00:54 — benitoPolitikariena, baina, mundu aparte bat da: lotsagarria, iraingarria eta errespetu bakoa gure ikasleekiko, eguneroko esfortzua egiten dutenenganako kontsideraziorik ez dute: exijitu bai baina eurak ezer ez.
Puntua jarrita (Kalamuatik Txargainera)
Patxi Lopez euskara ikasten
2009, Martxoa 10 - 09:45 — benitoAjuria Enea bistan, Patxi Lópezek euskara ikasteari gogor ekin diola berriro diosku El Correok. Ahoskera eta jarioa hobetu beharreko nagusiak. Helburuak: lau urte barruko euskarazko debatean parte hartze eta bitartean Legebiltzarreko eztabaidetan eta diskurtsoetan ere euskaraz egitea.
Politikarientzako trebakuntza ikastaro estandarra diseinatzeko datuak, motibazioa beti ez da horrenbestekoa izango eta erritmoak gorabehera handiak izango ditu baina bezero potentzialak bat baino gehiago bai.
Ni dakizu
2009, Martxoa 1 - 21:28 — benitoBerriz ere PNV-k euskararekiko konpromezu eza agerian utzi du gaurkoan. Bilboko alkatea den Iñaki Azkuna bere bizkarzainez ingratuta hurbildu da Tiboliko eskolara eguerdi partean, eta bertan zegoen herritar batek AZKUNA APRENDE EUSKERA!!! oihukatzerakoan bere erantzuna hurrengo hau izan da: NI BADAKIZU!!
Erositako prezioan salduta, gaur arratsaldean goiko istorio hori ibili da epostan batetik bestera (badaki inork zerbait gehiago?). Hala izan bada, hauteskundeetako anekdota bat behintzat badaukagu.
Bloga ebaluazio tresna bezala
2009, Otsaila 22 - 20:53 — benitoEuskara ikasleek (beno, ikasle zehatz batek kasu honetan) zer ikasi duten ebaluatzeko bloga nola erabil daitekeen erakutsi digu Jozulinek.
Egizue barre baina niri ideia bat eman dit.