"Kerman mintzalagun bila" saio berria ETBn
2010, Urtarrila 29 - 20:37 — benito"Kerman mintzalagun bila" saioa iragarri digu ETBk aurtengo programazio berrian, bost minutuko saio laburren sorta izango da, eta hau asmoa:
Kerman ahozko euskara behin betiko menderatzeko helburuz kalera irtengo da. Helburu horrekin, Kermanek liburuak dauden-daudenean utziko ditu eta kale aldera abiatuko da euskara eguneroko bizimoduan erabiltzeko helburuz: euskaltegian urteetan irakatsi dioten teoria guztia benetan aplikatzeko garaia iritsi zaio.
Otsailean izango dugu ikusgai. Horrela boteprontoan eta promozio-bideoa ikusita ez nuke jakingo esaten ikutu didaktikoa duen umoreko saioa, ala umoreko ikutua duen saio didaktikoa izango ote den. Ikusiko dugu ba.
Hemen daukazue bideoa EITB.com-en (ez dakit zer gertatzen den baina ezin dut handik zuzenean"enbotatu").
Portzierto, euskaltegietan teoria baino ez da irakasten orduan. Tira ba!
Urte berrirako asmoak
2010, Urtarrila 8 - 00:46 — benitoGetxoko Egizukoek urte berrirako asmoen galdera egin digute, pistak eman dizkigute badaezpada.
Bide batez. Urte berri on guztioi.
Kredituak mintza-berba-lagun-kide unibertsitarientzat
2009, Abendua 18 - 20:36 — benitoMintzalagun modura euskara ikasten laguntzen duten unibertsitariek kredituak eskuratzeko aukera izango dute EHU eta AEK-k sinatu duten akordioari esker.
Ez da plan txarra. Klasera joan beharren berriketan jardun eta gainera kreditua. Animoa neska-mutilak!
Puntos de encuentro=mintzalaguna
2009, Urria 12 - 01:35 — benitoBaten bat itzulpen bila ibili bada, horra hor bat.
Nahi/gura duzu?
2009, Iraila 14 - 16:23 — benitoTopaguneko elkarteen kanpaina ikasturte honetan mintzapraktikari lekuan-lekuan arrankea emateko.
Bertsio desberdinak daude. "Nahi" hori "gura" bihurtu da leku batzuetan adibidez.
Gladys Villalba: Ekuatoriar euskalduna
2009, Ekaina 24 - 12:07 — benitoDonostian bizi da Gladys, euskaraz, ingelesez eta Ekuadorreko gaztelaniaz bizi ere. Euskalerriari buruz idazten du hango hedabideentzat, eta mintzalaguna ere bada.
Mintzalaguna araneraz
2009, Ekaina 12 - 01:19 — benitoAran bailarako Kontseiluak bertako hizkuntza sustatzeko politikaren barruan Volontariat per Aranés ekimena ipini du martxan. Zer da? Hizkuntza praktikatu nahi dutenak ondo dakitenekin bikoteetan bildu eta berriketan hasi. Ezaguna, ezta?
Zeledon eta brontzea
2009, Ekaina 7 - 17:43 — benitoAtzo Gasteizen Mintzeguneko ibilbideari errematea emateko Joxean Sagastizabal idazleak testu hau irakurri zuen Zeledonen estatuaren ondoan. Brontzea eta Zeledonen hizkuntza hizpide. Eta Gasteizko animazioa atzetik (nork dio Gasteiz hiri aspergarria dela?).
Gasteizko emakume polita eta papardoa
2009, Ekaina 6 - 00:25 — benito...Gasteizen emakume politik ikusiz gero, egiozue, arren, euskaraz. Ez bestela itsustuko zaretelako, euskarak eskertuko duelako baino. Euskarak eta baita emakumeak ere, seguru nago.
Berbalagun (berria.info)
Bide batez, papardoa zeir den jakin nahi baduzue, Arrainak eta itsaskiak wiki politean aurkituko duzue azalpen ona (eta errezetan ere bai): Papardoa.
Mintzakide Bilbo, erreportaia
2009, Maiatza 25 - 11:12 — benitoDuela hilabete pare bat Bilbon martxan jarri zen Mintzakide programari buruzko erreportaia.
Orduan bezala, jarraitzen da Kataluniatik inportatutako ekimena dela esaten.