iPad bat matrikularekin
2010, Iraila 22 - 21:24 — benito
Lehengo egunean matrikularekin netbook-a opari ematen zuen zentro batek, Mondragon Linguakoek iPad-ak ematen dituzte. Webgunean ez dut promozioaren informazio asko aurkitu, urriaren 20a baino lehen matrikula eginez gero iPad bat irabaz daitekeela besterik ez, zozketa izango da seguruenik.
Matrikularekin halako opariak egitea ez dakit noraino den eraginkorra, baina hala hasita, dibertigarria izan daiteke euskaltegian matrikulatzeagatik ematen diren oparien lehia. Bankuen antzera baxerak, eskuoihalak, telebistak eta halakoak ikusiko ote ditugu? Proposamenik?
Kamarak euskaltegian
2010, Iraila 20 - 15:40 — benitoBarakaldon Bideo eta Argazkilaritza tailer batekoak Udal Euskaltegian sartu dira, eta euskaltegiko egun bateko testigantza polit hau utzi digute.
Euskara ikasteko deia
2010, Iraila 20 - 13:03 — benitoEuskaltegiek ehunka irakasle prestu eta prestatu dituzte euskara kalitatez eta eraginkortasunez erakusteko, euskalduna izatea oso helburu lorgarria dela frogatzeko. Orain, euskaltegia dagokigu, orain euskaltegien garaia da. Hizkuntza eskubideen bermea gure erabakien baitakoa ere badelako dei egin nahi diegu herritarrei euskaltegietara joateko eta euskara lehenbailehen ikasteko.
Kontseiluak dei egin du euskara ikasteko: Euskaraz bizi nahi dut aldarrikapenarekin jarraituz, euskara ikasteko deia egin du Kontseiluak
Euskaltegira? Bai horixe! HABEren kanpaina
2010, Iraila 20 - 11:55 — benitoKerman pertsonaia ezaguna egin da dagoeneko, eta bera erabili dute aurten HABEkoek jendea euskaltegira erakartzeko.
Informazio gehiago Ikasbilen: Zabalik dago euskaltegietan izena emateko epea.
Euskara ikasi eta notebook-a eraman
2010, Iraila 15 - 23:21 — benitoBai & By-k promozio mota berria egin du aurten, Notebook-a eskaintzen die 12 urrats kontratatzen dituztenei.
Bai, Elortzibarren nahi dut
2010, Iraila 15 - 22:39 — benitoNoaingo Gau Eskolan bideo hau egin dute Elortzibarreko jendea euskara ikasten animatzeko, eta gau-eskolaren blogean aurkeztu digute.
Jon Valdezek lortu du
2010, Iraila 14 - 20:02 — benitoNafarroan bigarren urtez ipini dute abian Euskafe kanpaina Euskara zerbitzuek. Urtebete pasatuta Jon Valdezek euskara ikasi du eta hor dabil lorpenak erakusten.
Hemen dugu Berriozarren ekinean adibidez.
Portzierto, EAEn aurten ez dago kanpaina ofizialik?
Erroko erronkak
2010, Iraila 13 - 14:43 — benitoHABE-k eta euskaltegiek erronka garrantzitsuak dituzte aurrera begira ere: finantziazio sistema hobetu, curriculuma osatu, azterketak kudeatu, ikas-materiala sortu, teknologia berriak irakaskuntzan txertatu, komunikabideekin elkarlana areagotu, eta irakaskuntza prozesua ebaluatzea, besteak beste.
Geroak erranen....
Helduen Euskalduntzearen 2010-2011 ikasturtea inauguratu du Eusko Jaurlaritzak (erabili.com)
%12,3 eta %2,8
2010, Iraila 10 - 20:29 — benitoHoriek dira EAEn euskaltegientzako dirulaguntzetan egongo diren murrizketak: %12.3 publikoentzat eta %2.8 pribatuentzat.
Euskara ikasteko bide zuzena: Gipuzkoako Udal Euskaltegien kanpaina
2010, Iraila 10 - 16:56 — benitoGipuzkoako Udal Euskaltegiek "Euskara ikasteko bide zuzena" hartu dute 10-11 ikaturterako slogana.
- « lehenengoa
- ‹ aurrekoa
- …
- 4
- 5
- 6
- 7
- 8
- 9
- 10
- 11
- 12
- …
- hurrengoa ›
- azkena »
RSS - euskaltegiak