Gabon Nafarroa!
2010, Apirila 28 - 21:07 — benitoGabon, Nafarroa! Eskerrik asko!
Nork esan du? Miguel Sanzek? Roberto Jimenezek? Yolanda Barcinak? Andres Burguetek? Ez, halakorik ez haien ahotik; ohikoagoa da hona etortzen direnean Joaquin Sabina, Chambao, Juanes, Andres Calamaro eta Estopa euskaraz aritzea, gure agintariak baino.
Gabon
Nafarroa! Eskerrik asko! (Zuzeu.com)
Euskararen eskakizuna jaitsi Jaurlaritzaren eskaintza publikoan
2010, Apirila 22 - 16:43 — benitoAurrekoan baino langile gutxiagori eskatuko zaie euskaraz jakitea Jaurlaritzaren enplegu eskaintza berrian. Euskararen eskakizuna murriztu egin da beraz.
Lotura gehiago:
Zerk bultza dezake administrazioko langile bat euskara ikastera eta erabiltzera?
2010, Apirila 13 - 11:28 — benitoEmuneko Haritz Goikoetxeak zerrenda egin du Lan ta lan blogean, administrazioko langile batek zergatik ikasi eta erabiliko du euskara? Administrazio-langileentzat ez ezik, beste hainbatentzat balio dezake zerrendak.
HABEn zertan ari dira?
2010, Martxoa 26 - 14:17 — benitoHelduen Euskalduntzearen Oinarrizko Kurrikuluaren (HEOK) diseinua eta egikaritza. Laugarren mailakoa garatzea eta A1, A2 eta B1 mailetako azpiatalak zehazteari ekitea da helburu nagusia....
HABEren berririk bai? Zertan ari dira? Inork badaki ezer? Honelako galderak sarri entzuten hasita gaude azkenotan. Donostiako Vitoria-Gasteiz kaleko hormak inoiz baino gotorrago baleude bezalako sentsazioa barruntatzen da inguruan.
Ez da asko izango, baina jakin min hori apur bat asetzen laguntzeko-edo Euskararen Berripaperaren azken alean (pdf) Hizkuntza Politikarako Sailburuordetzaren aurrekontuen azalpenaren barruan, azken orrialdean HABEren aurrekontuaren norabide nagusien laburpena dugu. Ez da berri handirik izango akaso, baina elukubrazioetan laguntzeko sikiera balioko dio baten bati.
Aukerak
2010, Martxoa 22 - 10:11 — benitoEAEn behintzat, gizarteak baliabide asko jartzen ditu herritar guztien eskuetan hizkuntza ofizial bien ezagutza bermatzeko, hezkuntzako behe-mailetatik hasi eta Unibertsitateraino, bai eta euskaltegi publiko nahiz diruz lagundutakoen bidez ere. Ehunka mila herritarrek erabili dituzte baliabide horiek, baina jakina, batzuek ez. Izan ere, pertsona bakoitzak -edo haien gurasoek- bere erabakiak hartuz jorratzen du bizitzaren bidea, bere historia eraikitzen du, eta horrela, batzuk eskas heltzen dira Administrazioaren ateetarako, ez bakarrik euskaragatik. Zergatik pribilegiatu nahi dituzte urritasun linguistikodunak?
Euskaraz ere bai, ... ere ez
2010, Otsaila 15 - 13:27 — benitoNafarroako Gobernuaren azkena, Administrazioan euskaraz ere bai kanpaina (badakizue, bulego ofizialetan eta bankuetan leihatila edo mahaiaren gainean ipintzen diren kartel horiek eta abar) egiteko materiala ez banatzea erabaki dute.
Igoal leloa aldatu eta horrelako zerbait ipintzea dute gogoan: "Euskara, nipadios!"
Funtzionariak funtzionariari
2010, Urtarrila 18 - 13:24 — benitoPero hay que decirlo todo, el navarro es el único Gobierno autonómico que tiene funcionarios para dar clases a funcionarios
Zer esana ematen dabil gaur Noticias de Navarra-n Euskarabideako zuzendariari egin dion elkarrizketa. Hauek baino gauza deigarriagoak esan ditu Azanzak bertan, baina niri honek eman dit arreta. Funtzionarientzako euskara irakasleez ari da.
Bekak bueltatu dituzte ikasleek Nafarroan
2009, Abendua 21 - 16:23 — benitoAEK eta IKAko ikasle batzuek Nafarroako Gobernuak eman dizkien bekak bueltatu egin dituzte bekaren zenbatekoari irrigarria iritzita. 9.000 euroko aurrekontua izan du gobernuak 1.600 euskara-ikaslerentzat.
Diru publikoaren negozioa
2009, Abendua 20 - 03:35 — benitoBaina herri santu honetan tradizio bihurtu da diru publikoz sortutako edukia gero publikoari berriz ere saltzea, ezta?
BBCk antolatu duen kazetaritza-eskola publikoaz ari da Joxe, eta hemen ditugun master garesti eta diru-publikoez lagundatukoekin konparatu ditu. Baina konparazioa kazetaritzatik harago ekartzea ez da zaila izango seguruenik.
Akademia (Gaur8)
Etsaia nor?
2009, Azaroa 11 - 14:07 — benitoFalta zaie esatea (nik soberan egiten dudana, bestalde), porrot erraldoi baten aurrean gaudela, eta, une honetan, behar bada euskaldundutako jendea -profila lortzeko euskaldundutakoa, alegia- dela euskararen etsairik handiena. Gehiegitxo esatea da hori!?
Usteltzeko lana (Tiraka)
- « lehenengoa
- ‹ aurrekoa
- 1
- 2
- 3
- 4
- 5
- 6
- 7
- 8
- hurrengoa ›
- azkena »