Atoan

Lotura

Udan zehar ere gauzak pasatu dira, eta, oporretan gaudela, ez dugu haien berri eman sasoian. Haien artean Xerezaderen Artxiboa podcasta. Sustatun iragarri zen ekainean eta  Dingilizka12n gogorarazi digute gaur.

Proiektu interesgarria, eta dagoeneko ale batzuk ekarri dizkigu. Dingilizkakoek dioten bezala, begien nekea ez da aitzakia literaturari ekiteko.

Lotura

Testu idatzi bat nahi zenuke entzuteko moduan eduki? Musikatua gainera? Klaserako zein beste hainbat gauzetarako interesgarria izango litzateke, ezta?

Ba etxegiroan.com-ek eskaintzen dizu hori: ipuinak, narrazio laburrak, olerkiak... Bidali eta ahozko narrazio profesionala edukiko duzu musikak lagunduta. Lagin batzuk dituzue bertan, ez dut prezioen berririk aurkitu webgunean, zuzenean kontsultatu behar da dirudienez.

Eskerrik asko Goio.

Lotura

Iparraldeko Gure Irratiak webgunea atondu du. Han dituzue hemendik aurrera haren edukiak entzungai.

Via Ereintza euskaltegiaren bloga.

Lotura

Dingilizka21en bidez podcast hau aurkitu dugu. Euskara ikasteko entzungaien bilduma dirudi. irudiekin apainduta.

Hemen daukazue bat:

Lotura

Iparraldeko Radiokultura.com irrati elebidun digitalak eduki aukera polita jarri du entzuleen esku: blog-podcasta, erreportaiak eta goian aipatu dugun euskara ikastaro hori.

Beak eman zigun honen berri Euskara Irakasleak-en.

Lotura

Euskaltubek berrikuntza ugari dakartza irail honetan. Haien artean audio fitxategiak sareratu eta partekatzeko aukera. Enbotatzeko kode eta guzti.

Lotura

Zerbitzu berria sarean. Listen and Write-k entzungaiak eskaintzen ditu transkripzioak edo diktaketak egiteko. Zeure entzungaiak ere igo ahal dituzu.

Wwwhat's new-ren bidez.

Hemen daukazue proba bat. 

Lotura

Audio Lingua hizkuntzak ikasteko lagungarri izan daitezkeen entzungaien bankua da. Erabiltzaileek eurek igotzen dituzte, eta hizkuntza eta mailaren arabera sailkatuta eskaintzen dira.

Momentuz ingelesa, frantsesa, alemana eta gaztelaniazko entzungaiak baino ez daude.

Comunidad Todoeleren bidez.