2010, Martxoa 10 - 20:24 — plisti-plasta
Internetek arreta lapurtzen digu. Tamalez, eskaintzen dizkigun kontu asko ez dira bururako hozgarri azukretsuak baino. Beharrezkoa dugu (nik bai, behintzat) Internet light bat, gure nahiak betetzeko kafeina intelektuala eskainiko digun bertsio bat, zeinak intelektual hiperaktibo drogatu bihurtzen gaituen, batez ere.
Rodney Brooksen iritzi hau Joxe Aranzabalen Faroa blogaren bidez ezagutu dugun A Internet está a mudar a nossa forma de pensar? artikuluan jasotako iritzi bat baino ez da, erpin zorrozduna.Erpinok kamusterainoko ñabardurak beharko lituzkeena. Baina, baina…
Iruzkinak
Grazia egin dit honek:
Kezkatu samar nauka adikzioaren kontu honek. Ez dakit, ba, ez ote dugun guk ere errektangulu beltza begien aurrean jarri beharko. Hitz egiten ari garenaren erabat ildo berekoa ez bada ere, deigarria egin zait Guillermo Zapata gidoilariaren artikulu hau: Hypeak* drogazale baikorrak behar ditu.
Bertan honelakoak esaten ditu:
Anaia Handia ez da begira ari. Abesten eta dantzan ari da. Kapelatik untxiak ateratzen. Anaia Handiak zure arreta erakarri nahi du esna zauden uneoro. (Chuck Palahniuk ‘Nana’).
Hypeak arreta eskatzen dizu eguneko 24 orduetan, asteko zazpi egunetan. Atsedenik gabe, etengabe. Hypeak ez ditu nahi unean uneko kontsumitzaileak, adiktuak baizik.
* Hypea produktu mediatikoa da. Hartzailearengan beharra sortu ostean, kudeatzen den tendentzia. Kalitatea dena delakoa izanda ere, publizitatearen edo ohizkanpoko estalduraren bidez oso ezaguna bihurtu den produktua, alegia. (Wikipediatik moldatua).
Sexuak kezkatuta zu eta adikzioek kezkatuta ni. Ondo gaude biok ere!
Bidali iruzkin berria