2010, Otsaila 6 - 12:08 — plisti-plasta
Zer pentsatua eman dit Pseudópodo blogean irakurri dudan sintesia batek:
Neil Postmanek aldaketa teknologikoaz eginiko bost ohartarazpenez ari denak hain zuzen.
Honakoxeak dira ohartarazpenok (sintesiaren sintesia eginez):
1. Teknologiak eman egiten du baina baita kendu ere.
2. Teknologia berriek mesede egiten diete batzuei eta kalte beste batzuei.
3. Medioa bera da mezua (McLuhan).
4. Medio berriak ez du zerbait gehitzen, dena aldatu baizik.
5. Teknologia mito bihurtzeko joera dugu.
Dena den, ondo ulertzeko eta mamia ateratzeko, patxadaz irakurri beharreko testua da: ingelesez / gazteleraz.
Comments for "Bost ohartarazpen aldaketa teknologikoaz"
Iruzkinak
Zerbait berria datorrenean zerbait galtzen da sarri, baina ekarri ere zerbait ekarriko du, ona edo txarra, ona norentzat, eta, gehien bat, zer ekarriko izaten da gakoa, asmatzen duenak bai, hark onura hartuko du.
Dena dela, 3. eta 5. puntuetan aipatzen direnak sentitu ditut azkenotan. Medioa, bitartekoa bihurtzen da mezu eta mintzagai, bestelako edukiak ahaztuta. Ikas-irakaskuntzaren mundu honetan gehiegi ari naiz sentitzen hori azkenotan.
Eta, ez dakit zergatik, Il Gatopardo filmeko hitz ezagun hauek gogoratu ditut: "Se vogliamo che tutto rimanga come è, bisogna che tutto cambi".
Zinemaz ari garela, behin botila erdi hutsik ala erdi beteta ikusten zuen galdetu ei zioten Woody Alleni. Botila beti erdi beteta ikusten zuela erantzun omen zien Allenek. Pozoiez erdi beteta, hain zuzen.
Egia esan behar badizut niri Postmanen zenbait hitz , hitz minduak iruditzen zaizkit, atsekabetasunez minduak, zaharmintasunez garraztuak, baina zeharkako kontu askotan ados egon ez arren, aintzat hartzekoa iruditzen zait bost ohartarazpenon funtsa.
Il Gatopardo hizpide, ez dezagun ahaztu zer erantzun zion On Fabriziok Tancrediri:
“e dopo sarà diverso, ma peggiore”.
Zorionez, nik botila beti erdi beteta ikusten dut baina! ;-)
Bidali iruzkin berria