19
Mar
2012
12:37

HABEren liburutegia: hizkuntzak ikasi eta praktikatzeko gidak

Hizkuntzak ikasten eta irakasten ari direnentzat HABEk bere liburutegiko edukietatik aukeratzeko gomendioekin gida batzuk egin ditu. Hauek lehenengo hirurak dirudienez:

Mundua bete hitz (pdf) Elkarrizketa-giden katalogo bat zure esku. Oinarrizko hiztegia zenbait hizkuntzatan munduan hara eta hona ibiltzeko.

Frantsesa ikasi / frantsesa irakatsi (pdf) Frantsesa ikasi eta irakasteko metodoak, irakurgaiak eta filmak eskaintzen dizkizun gida.

Filmak: zenbait hizkuntzatan ikusteko (pdf) Ingelesez, frantsesez, turkieraz, alemanez, euskaraz, katalanez... eta beste hizkuntza askotan ikus daitezkeen filmen katalogoa.

Edukien "kurazioaz" berba egiten den sasoi honetan inoiz pentsatu dut liburutegi edo bibliografia analogikoetan izaten dela inon baino beharrezkoagoa "kurazio" hori, estimatzekoak dira horrelako gidak beraz.

Eta kuraziorako ideiak ematen hasita,...

  • Euskara ikas-irakasteko dauden eta egon diren materialen gida bat: sasoia, ildo metodologikoa, formatua, maila...
  • Euskara irakasleentzat didaktika eta pedagogian murgiltzen hasteko gomendioak. Jenero asko dago liburutegian horretaz, eta esango nuke apur bat desesperantea izan daitekeela interesa duenarentzat hor nondik hasi asmatzea.
0
Bozkarik ez oraindik
Zure balorazioa: Bat ere ez
19
Mar
2012
12:16

Euskaltzaindiaren kulpak

Goierriko Hitzan bekario marimaisu ponpoxo batek “profitatu”, “denaz bezanbatean”, “bortxaz”, “preseski” eta horrelakoak idaztea. Zer kulpa (“kulpa” Hiztegi Batuan badago, markarik gabe) dute Euskaltzaindikoek, herri puta hontan jendeak hizkuntza zentzuz erabiltzen ez badaki!

— Amonamantangorri

Euskarak (h)amorratzen nau artikulua bota zuen lehengo egunean Iñakito Garay-k Zuzeun, umorez Euskaltzaindiaren arauak eta gomendioak motibo. Haien zailtasuna, egokitasuna, zuzentasuna, arrazoia eta logikaren inguruan pertzepzio asko dabiltza, ez onak jeneralean, eta ez dakit beti justuak ote diren.

Edozelan ere eztabaida sortu da mezuaren harira, hainbat gauza interesgarri daude iruzkinetan (mezuaren egilearen asmoa horiek aplazaratzea izan del susmatzen dut), eta nik neuk -ez galdetu zergatik- erantzunetan bota direnen artean goiko hitz horiek aukeratu ditut zer pentsatua/esana emateko.

5
Batez bestekoa: 5 (3 bozka)
Zure balorazioa: Bat ere ez
18
Mar
2012
22:20

Raibabel. Iruñeko Hizkuntza Eskolaren "irratia"

Hizkuntzak praktikatzea edo hizkuntzak ikastea mintzagai irrati-podcast-a daukat martxan aspaldian Iruñeko hizkuntza-eskolan.

Atal interesgarrienetakoa ikasleekin euren esperientziaz egiten dituzten solasaldiak dira, Adibide modura hemen duzue euskara ikasle batekin egindako saioa.

4.666665
Batez bestekoa: 4.7 (3 bozka)
Zure balorazioa: Bat ere ez
11
Mar
2012
20:59

Produktibitatea

Kontuak atera, mesedez, egin kalkulua, Hezkuntzara bideratzen duzuen diruaren hamarrenarekin erdia produzituko genukeen

— Jon Zabala eta Mailu Lasarte (IKA)

Aste honetako Argian euskara agiriak hezkuntza sistemaren kalifikazioekin homologatzeko dekretuari buruzko erreportajea dator. Miel Anjel Elustondok IKAko Jon Zabala eta Mailu Lasartek hitz egin du eta haiekiko solasaldian jaso zituen hitzok. Lehengo batean EAEko euskaltegiek Patxi Baztarrikari, orduko euskara sailburuordea, esanak-edo.

Produktibitate formulak (helduen) euskalduntzean aplikatu beharko dira bada.

 

5
Batez bestekoa: 5 (2 bozka)
Zure balorazioa: Bat ere ez
11
Mar
2012
20:08

Aditu uxatzaileak

Uste dut pedagogian aditu askok gehiegi teorizatu dutela ikas-irakaskuntza prozesuaren inguruan, ikaste prozesuari kutsu zientifikoegia ematen ahalegindu dira, izen potoloegiak erabili dituzte gauza sinple asko esplikatzeko, artifizialki konplikatu dute berez azkoz ere sinpleagoa izan beharko lukeen zerbait. Hain “maila altuko” pedagogiak, profesional asko uxatzea besterik ez du lortu.

— Jolaus

Jolausek IKTeroak-en guztiokin partekatu duen azken gogoetatik pasarte hau aukeratu dut. Ideia hori ez da entzun-sentitu dudan lehenengo aldia, eta gauza asko azal ditzake, hala bada.

 

5
Batez bestekoa: 5 (4 bozka)
Zure balorazioa: Bat ere ez
09
Mar
2012
18:52

TPACK eredua eta mahaiaren hirugarren hanka

Jolausek bere irakasle-ibilbidea azaltzen digu eta, bide batez, TPACK paradigma eta prozedura ulertzeko bide ematen.

IKTeroak 'hezkuntzarako auspoa'ri eragiten betiko moduan.

5
Batez bestekoa: 5 (1 vote)
Zure balorazioa: Bat ere ez
06
Mar
2012
21:46

Leo Messi eta estategia didaktikoak

Esperientzia bikaina Jolausek (IKTeroak) kontatzen diguna. Hona, ondorioetako bat:

" Ikasle baten “maila” edo “kalitatea” ebaluaziorako ezartzen zaizkion irizpideen araberakoa da eta irizpide horiek eskuratzea aldagai askoren menpe dago, gela barruan erabiltzen dugun estrategia didaktikoa garrantzitsuenetako bat izanik."

4.25
Batez bestekoa: 4.3 (4 bozka)
Zure balorazioa: Bat ere ez
06
Mar
2012
00:49

Nola irakasten duzu?

Hasteko, ahoskera lantzen dugu. Letra bakoitza nola ahoskatzen den jakin behar da. Adibidez, hitz bat ikusten badute, nahiz eta esanahia ez jakin, ahoskatzeko gai izan daitezela. Lehendabizi hori erakusten diet. Gero, ohiko agurrak erabiltzen. Ondoren beren burua aurkezten, eta azkenik gramatika. Niri zaila egiten zait gramatika eman gabe esaldi bat buruz ikasteko esatea. Nik ez nuke horrela ikasiko hizkuntza bat. Eta gainera, ez dira umeak, 19-20 urteko gazteak dira, eta nahikoa azkarrak. Hortaz, egitura edo teoria pixka bat ematea ere interesatzen zaie.

— Hiromi Yoshida

Hiromi Yoshida hizkutntzalari japoniarra da, eta euskara irakatsi ere egiten du Japonian. Azpeitira etortzen da sarri ikerketa lanetara eta egin dioten elkarrizketa irakurri dugu Uztarria.com-en.

 

5
Batez bestekoa: 5 (5 bozka)
Zure balorazioa: Bat ere ez
03
Mar
2012
13:36

Ebaluazioa geroari begira

...ez da nahikoa ikasleak orain dakiena diagnostikatzea, horrez gain ezinbestekoa da aztertzea laguntza emanez gero zer ikasteko prestatuta dagoen. Hortaz, ebaluazioa etorkizunari begira egin behar da eta ez orainari. Ez da inportantea zer naizen, baizik eta zer izateko potentzialitatea dudan.

— Ainhoa Ezeiza

4.333335
Batez bestekoa: 4.3 (3 bozka)
Zure balorazioa: Bat ere ez
03
Mar
2012
12:58

Ze zaila den... gaztelania

@jozulin-ek gomendatuta hona hemen bi hizkuntza ikasleren esperientzia kantatua. Txakurrak ortozik edonon, ezta?

5
Batez bestekoa: 5 (2 bozka)
Zure balorazioa: Bat ere ez
03
Mar
2012
12:41

HABE: aurtengo proben ebazpena argitaratuta

Atzo argitaratu zen EAEko buletin ofizialean aurtengo probak arautuko dituen ebazpena (pdf).

Hainbat zurrumurru eta filtrazio ibili dira azkenotan eta berandutxo dator ebazpen hau, bi asteko epea baitago probetara aurkeztu ahal izateko ikasleen maila euskaltegian egiaztatzeko. Bestalde, lehendik bala-bala ibili den bezala, ebazpenak konfirmatu du entzumena eta irakurmenaren proben emaitzak euskaltegian emandakoak izango direla eta proban ez direla trebetasun horiek neurtuko.

* Goian jarri dudan lotura HABEren webgunekoa da, honen berri ematen duen albistea hain zuzen ere, baina neuri behintzat zuri agertzen zait nabigatzailean.

0
Bozkarik ez oraindik
Zure balorazioa: Bat ere ez
03
Mar
2012
12:27

B1erako mintzagaiak: erabilitakoa saldu eta erosi

Pilar Montoyak jarraitzen du bere klasean erabilitako aktibitateak konpartitzen. Oraingo honetan ikuspuntuak eta erabakiak azaldu eta arrazoituz bigarren eskuko gauzak erosteaz jardutea proposatu du.

5
Batez bestekoa: 5 (2 bozka)
Zure balorazioa: Bat ere ez
03
Mar
2012
12:19

Hurbildu naturaltasunez

Yo te diría que intentes practicar en cuanto tengas ocasión, no solo en el aula que también, que trates de acercarte al mundo del euskera, del modo más natural posible y con mente abierta, con la literatura por ejemplo.

— Iñaki Murua

Profesor de ELE en apuros blogean Guillermo Gómez blogaren egileak elkarrizketa egin dio Iñaki Murua HABEko teknikari eta blogariari. Euskara ikasteaz eta praktikatzeaz ere jardun dute bertan.

 

4
Batez bestekoa: 4 (3 bozka)
Zure balorazioa: Bat ere ez
29
Ots
2012
11:46

Norantz goaz?

5
Batez bestekoa: 5 (1 vote)
Zure balorazioa: Bat ere ez
26
Ots
2012
07:44

Zergatik ikasi euskara AEBetan?

Zergatik ikasten dute euskara Boisen? Ikasleek eurek erantzun dute Izaskun Kortazarrek grabatu duen bideo honetan, Beranduegiren 48. saioan ikusi duguna.

5
Batez bestekoa: 5 (1 vote)
Zure balorazioa: Bat ere ez
Sindikatu edukia Sindikatu edukia