Gai gehiago EGAn
Mesedez, nik eskatuko nieke horrelako probak prestatzen dituztenei, adin ezberdinetakoak egongo garela eta ikasketa-maila guztietakook egingo dugula, kontuan har dezatela. Eta gai bati buruz ez badaukagu ezagutza nahikoak, lagun diezagutela, edo ¿akaso haiek jainkoak dira eta badakite edozein gairi buruz??
Ostiralean agertu zen EGA azterketa, Cantabriako erdaldun baten ikuspegitik artikulua Sustatun. Segurutik oporren nirvanan egon gara asko eta gaur arte ez dugu ikusi.
Bide batez, Cantrabriako erdaldunak erdalduna izateko euskaraz ez du gutxi idatzi, e!
Euskaltzaindiaren arau berria: Euskal Herriko ibaiak
Mapetako izenak normaltzen eta estandarizatzen jarraitzen dute Euskaltzaindiakoek. Oraingoan ibaien txanda izan da. 166. arau agertu berriak Euskal Herriko ibai nagusiak euskara "ofizialean" izendatzeko gomendioak ditugu ohiko pdf dotorean.
Klaseko murruetatik haratago
Idatzizko lanak dira seguraski zailenak kudeatzeko. Ardura, nola eta zer egin behar den azaldu ondoan, lana burutzen da, itzultzen da, baloratzen da gisa batez edo bestez. Klaseko murruetatik haratago ez du baliorik, eremu horretan du lan horrek existentzia osoa eta gure gaurko kezkarik handiena izan beharko litzateke horren saihestea.
Maite dut ez alegia aritzea (Han eta hemen)
Gure barneko horiek
Kondenatuak gaude. Halabeharrez eta ezinbestez. Gure barneko filologo, soziolinguista, euskara irakasle eta euskara teknikari horiekin bizitzen ikasi behar dugu, haiek gabe ezin baikara bizi.
Euskaldun guztiok filologoak garela aspaldian gaude entzunda, Allartean blogean horretaz hausnartu dute eta filologiak ez ezik, besteak beste euskara irakasleak ere izan beharra dugula ondorioztatu dute. "Herria irakasle" aspaldiko aldarriaz akordatu naiz.
Euskaldun osoa
Esan dezadan, nire aburuz, zer den euskaldun oso izatea, enkaxka ere. Hots, euskaldun oso da nork bere izatea, oso-osorik, edozein dela esparrua edo gaia, euskaraz bizi izatea. Modu guztizko edo bikainean izan barik ere, euskaldun oso bizi izatea.
Euskaldun osoaren paradigma(k) (Erredakzio mahaia - Argia)
Koplak
Bertsozale Elkarteak eta AEK-k antolatu duten bideo-kopla lehiaketan onenak aukeratzeko ordua heldu da.
Praktikatuk Facebook-en duen orrira joan eta bertako horman esan behar duzu zein duzun gustokoen. Zuckerberg-ek ere botoa eman du dagoeneko.
"Gu geu" egitasmoa, mintzalagun hirueleduna
Txingudin, Irun, Hendaia, Hondarribi inguru horretan euskara, gaztelania eta frantesaren ikaskuntza eta ezagutza sustatzeko "Gu geu" egitasmoa jarri dute martxan hango elkarte batzuek. Mintzalagun edo mintza-praktika jarduera baten antza du, baina inguruko hiru hizkuntzei begirakoa.
Eleanizasuna, gaitasun interkulturala eta horrelakoak etorri zaizkit gogora.
EHUren udako ikastaroak
Uda honetarako ikastaroen eskaintza zabaldu du EHUk. Asko dira, baina badira guretzat interesgarriak izan daitezkeen gauza batzuk:
HABEk urtero sartzen du ikastaro bat eskainta horretan. Aurten "El profesor de segundas lenguas" zikloko bosgarrena: El profesor de segundas lenguas / V: La competencia vocal y corporal del docente (C) (pdf).
Bestalde, izena irakurrita interesgarriak ematen dutenak badira (lotura guztiak pdf batera eramango zaituztete):
- Hiztunetik hiztunera, euskararen bizipenek ezarritako bidetik (M)
- Euskararen erabileraren bilakaera, egoera eta norabidea, datuen argitan (I)
- Atzerriko unibertsitateetan euskara eta euskal kultura irakasteko prestakuntza ikastaroa. Excellence in Basque Studies (II) (W)
Zerrenda osoa duzue goiko lotura horretan dena den.
Doinua eta ahoskera lantzeko tresna bat
Hiztun berriari apreziatu ohi zaio xede-hizkuntzan jatorrizko hiztunen doinu eta ahoskerara hurbiltzea. Hizkuntza-klaseetan berriz ez zaio horri arreta handirik ematen, praktikaren eta jatorrizko hiztunekin harremanetan lortuko delakoan, ezinbestekoa ez delakoan edo, besterik gabe, lantzeko baliabide eta ideia askorik ez dugulako.
EcLEcTIC blogean horretan laguntzeko tresna eta ideia pare bat aurkeztu dizkigute: Praat software-a gehien bat. Ideia sinplea da: jatorrizko hiztunaren eta ikaslearen jardunak grabatu eta konparatzea.
Ez da askotan planteatzen kezka hau nonbait, baina inoiz pentsatu duzue euskararen doinua eta ahoskera zelan edo zeren bitartez landu?
Irribarrea vs. imintzio iluna
Izan ere, nago euskarari askoz gehiago lagunduko diola irribarre alaiak, asmo oneko imintzio ilunak baino. ARGI-itzalen tirabira horretan, ARGIak gehiago lagunduko digu aurrerapausoak ematen, itzalen iluntasunak baino.
Agian gaurkoa ez da egunik aproposena izango halakoak ekartzeko (noiz da bestela?), baina bego hor Iñakik baikortasunaz egin duen gogoeta.
Gaitasuna ala emozioak?
Batzuetan esaten da gaitasun kontuak arrazoitzen duela aldaketak, alegia, hainbat gauza esateko mugak ditugula euskaraz eta, ondorioz, erdarara jotzen dugula. Ez nau horrek askorik konbentzitzen. Uste dut indar handiagoa dutela faktore psikologiko-emozionalek, ohiturazkoek…, azken batean eredu faltarekin lotura dutenek. Hemen batek baino gehiagok esan duen bezala, gazteei ezin baitzaie eskatu helduek erakusten ez dugun jarrera bat.
"Euskaraz Bizi" manifestazioa Donostian artikuluaren harira eztabaida bizia sortu da Sustatun. Manifestazio hartan zenbat erdara entzuten zen kezkatuta abiatu zen eztabaida, eta badirudi berba egitean euskara eta erdara nahasteko ohitura izan dela inpresio horren iturrietako bat.
Horretaz egin du gogoeta iruzkinetan Martin izenekoak hain zuzen ere. Halakoetan euskaraz egiten dugula pentsaten dugun, norainokoa den eta zergatik gertatzen den.
HABEko zuzendariari elkarrizketa: "HABE fosilizatuta bezala zegoen"
Iñaki Uribe HABEko zuzendariari elkarrizketa egin diote Argiakoek. HABEren plan estrategikoa abiapuntu helduen euskalduntzea hemendik aurrera nondik nora joango den jardun du. Besteak beste:
- Ikasle gutxiago, %30eko jaitsiera hori. Eskolak euskalduntzen du eta horrez gain tituluen homologazioak eragina izango du.
- Ikasle gutxiago eta ordu gutxiago ere bai. Jendeak ez du ikastaro trinko-luzerik nahi.
- Ikasleak gero eta zaharrago, eta horiek euskalduntzea merezi ote duen-edo.
- Langabezian dauden gazteak xede-talde nagusia omen.
- Erabilera, mintza-praktika, barnetegiak... euskaltegiek landu beharreko esparruak.
Etorkizuneko ikasgela(k): bi kontzeptu
'Ezer ez da berdin' zioen aspaldiko kantak. Ezta ikas-irakaskuntzan ere. Egia da teknologia ez dela neutroa eta baldintzatu egiten duela. Baina, finean, tresnak ez du definitzen paradigma didaktikoa, beronen erabilerak baizik. Hori erakusten saiatu da Cristóbal Suárez Guerrero irakaslea Educacion y Virtualidad blogean.
Araban erakutsi behar den euskara
Araban ezin da edozein euskara erakutsi eta erabili; ahal dela behintzat, bertan izan zena hartu behar da gogoan. Jakina, gauza batzuk zaharkituta daude eta ezingo dira atzera berriro berpiztu, baina beste gauza asko naturaltasun osoz erabili daitezke. Esate baterako, nik ez nuke Araban “igorri” hitza erabiliko; “bidaldu” erabili zutelako hango lekukoek eta “bidaldu” delako Araba inguruetan gaur egun esaten dena.
Arabako euskara liburuaren harira Koldo Zuazorekin egin dute berba POSTdatan, Elkarren blogean:
- Koldo Zuazo: “Mendebaleko euskalkiaren ardatza Araba da” (POSTdata - Elkar)
Euskaltegi sare batzuk mailako probak direla eta
Euskaltegi homologatu batzuetako ordezkariek idazkia zabaldu dute, hor HABEren mailak egiaztatzeko proben 2012ko ebazpenaz eta ikasleentzako diru-laguntzen murrizketaz. euren iritzia eta kezkak plazaratu dituzte.
- « lehenengoa
- ‹ aurrekoa
- 1
- 2
- 3
- 4
- 5
- 6
- 7
- 8
- 9
- …
- hurrengoa ›
- azkena »
Azken iruzkinak