EHUren udako ikastaroak
2012, Martxoa 30 - 16:27 — benitoUda honetarako ikastaroen eskaintza zabaldu du EHUk. Asko dira, baina badira guretzat interesgarriak izan daitezkeen gauza batzuk:
HABEk urtero sartzen du ikastaro bat eskainta horretan. Aurten "El profesor de segundas lenguas" zikloko bosgarrena: El profesor de segundas lenguas / V: La competencia vocal y corporal del docente (C) (pdf).
Bestalde, izena irakurrita interesgarriak ematen dutenak badira (lotura guztiak pdf batera eramango zaituztete):
- Hiztunetik hiztunera, euskararen bizipenek ezarritako bidetik (M)
- Euskararen erabileraren bilakaera, egoera eta norabidea, datuen argitan (I)
- Atzerriko unibertsitateetan euskara eta euskal kultura irakasteko prestakuntza ikastaroa. Excellence in Basque Studies (II) (W)
Zerrenda osoa duzue goiko lotura horretan dena den.
Literatura ikasgelan
2012, Urtarrila 27 - 13:38 — benitoSanturtziko Udal Euskaltegikoek proiektu berri hau jarri dute euren Ikasgelan. Ikastaroa han dago eskuragarri eta aukera ematen dute jaitsi eta nork bere plataforman berrerabiltzeko.
HABEren ikastaroa: Europako Markoaren argitan
2012, Urtarrila 13 - 13:10 — benitoEuropako Markoaren bueltan HABEren mailetan sakontzeko online ikastaroa antolatu du HABEk. Tutorerik gabeko ikastaroa da dirudienez, nork bere aldetik egitekoa.
Urte berria, ikastaro berriak
2012, Urtarrila 8 - 23:22 — benitoEuskara hobetzeko ikastaroen eskaintza zabaldu dugu urte berrian ere. Yoda ikastaro interesgarri honekin datorkigu.
Ez dakigu non den eta online edo aurrez aurrekoa den. Datozen egunotan etorriko zaigu informazio gehiago seguraski.
HABEren erabakiak
2011, Iraila 30 - 00:44 — benitoArazoa, finean, sinplea da: HABEn erabakiak ez ditu Didaktika atalak hartzen, diruak banatzeko ardura duen atalak baizik. Nola esplikatu horri HABEk orain pare bat urte ikaskuntza konbinatua lantzeko batzorde bat osatu zuela? Non dago batzorde horren lana? Nola esplikatu horri HABEk dagoeneko idatzita eta Batzorde Akademikoan banatutako Curriculun berrirako ebazpen-zirriborroan ere ikaskuntza konbinatua aipatzen duela? Orain ez eta datorren urtean bai?
Euskaltegietako ikasleentzako ikastaroak Jakintza Librearen jardunaldietan
2011, Martxoa 21 - 18:36 — benitoAzkue Fundazioak Jakintza Librearen II. jardunaleiaren barruan euskara ikasleek Interneten zer dagoen jakin dezaten ikastaroak antolatu ditu gaur, bihar eta etzi. Sareko baliabideak ezagutu eta erabiltzea da asmoa. Ikastaroak Bilboko Euskararen Etxean egingo dira.
"Euskarak denbora lagun" denbora nozioak lantzeko materiala
2011, Otsaila 12 - 16:28 — benitoIruñeko Arturo Campion euskaltegiak euskaraz denbora adierazteko formak eta nozioak biltzen duen Euskarak denbora lagun liburua prestatu du. Liburua euskaltegiko ikasleei banatuko die, baina sarean ere eskuragarri dago PDF formatuan (liburua, ariketak eta erantzunak).
Bestalde, Noticias de Navarran irakurri dugunez, langabezian dauden edo denbora duten pertsonentzat 80 orduko ikastaro trinkoa antolatu du euskaltegiak, 100 euro balio du, baina asistentzia batetzen duenari erdia emango zaio bueltan.
Xuxen eta Euskalbar erabiltzeko ikastaroa
2010, Abendua 12 - 15:48 — benitoZarauzko Euskara Zerbitzuak antolatu ditu Interteneko baliabide horiek erabitzeko ikastaroa, erabili eta ezagutu seguruenik.
Wikiak, talde-lanak prestatzeko interneteko baliabideak. Ikastaroa Iruñean
2010, Azaroa 4 - 23:46 — benitoUEUk antolatu du ikastaro hau. Datorren astean hasiko da Iruñean.
Moodle-en oinarrizko erabilera: ikastaroa
2010, Urria 29 - 10:15 — benitoUEUk antolatu du online ikastaro hau, Hiru asteko ikastaroa da, datorren azaroaren 3an hasita.