Lotura

HABEren itzulpen sailean liburu berria daukagu. Diane Larsen-Freeman-en “Hizkuntza irakastea gramatikatik gramatikamera”. "Gramatikamena" (grammaring jatorrizkoan) kontzeptua aurkeztu eta azaltzen du gramatikaren lanketaren korapilo batzuk askatu nahian.

via:

HABEren Itzulpen Sailaren ale berriak komunikazioa eta gramatikaren arteko harremana aztertzen ditu bit.ly/AzWE4g

— HABE(@HABE_erakundea) febrero 10, 2012

Bai, HABE ere Twitter-en dago.

Lotura

Euskaltzaindiaren liburu berria, askorentzat Biblia izan daitezkeen horietako bat. Hitz ordenaren korapiloari ekin diote orain hizkuntzaren erabilera egokia sustatzeko asmoz.

Liburua datorren astean aurkeztuko da, eta dagoeneko lagina deskargatu daiteke (pdf).

Lotura

Atoan berba euskararen eremu guztietan ezagutarazteko ahalegin honetan kide berria dugu: Atoan! argitaletxea. Euskara ikastea eta helduen euskalduntzea du eragin esparri nagusien artean Zenbat Gara elkarteak sustatutako ekimen berri honek.

Albistea Deian.

Lotura

Espainiako Kultura Ministerioaren Bibliografia Ondarearen Liburutegi Birtuala gunean euskara ikasteko "metodo" historikoen zerrenda hau dago. XIX eta XX mendeetako 13 testu daude hor, eta bertsio digitalizatuak kontsultatu daitezke.

Batek daki, zahar horiek gaur egun ere baliagarriak izan daitezke.

Elkar argitaletxeak atzo aurkeztu zuen Arian metodoaren lehenengo atala, eta bideo hau egin dute promozionatzeko.

Lotura

Liburuak ordenatzeko metodoa proposatu digute Txistu y Tamboliñ blogean. Liburuen tituluak esaldietan binan-binan kateatuta. Liburutegia ordenatzeko ez ezik, hizkuntza ikasten duenarentzat jolas polita ere izan daiteke.

Lotura

Iruñeko Arturo Campion euskaltegiak euskaraz denbora adierazteko formak eta nozioak biltzen duen Euskarak denbora lagun liburua prestatu du. Liburua euskaltegiko ikasleei banatuko die, baina sarean ere eskuragarri dago PDF formatuan (liburua, ariketak eta erantzunak).

Bestalde, Noticias de Navarran irakurri dugunez, langabezian dauden edo denbora duten pertsonentzat 80 orduko ikastaro trinkoa antolatu du euskaltegiak, 100 euro balio du, baina asistentzia batetzen duenari erdia emango zaio bueltan.

Lotura

Armiarma.com-en barruan euskarazko 248 liburu eskaini dizkigute epub eta pdf formatuetan doan.

Edozertarik liburuak daude: literatura unibertsalaren klasikoen itzulpenak, euskarazko klasikoak, poesia, antzerkia...

Via dingilizka B2

Lotura

Garaigoikoako Txerrak soziolinguistikaren inguruko 10 liburu gomendagarrien zerrenda egiten hasi da, euskarazko liburuak denak. Eta zerrenda egiten hasi eta hirukoiztu egin zaio. Dagoeneko bigarren hamarrekoa bota du.

Lotura

Aurreko mezuan Alfontso Mujikaren artikuluaren lotura eman dugu, eta artikuluan Jaurlaritzaren Hezkuntza Saila prestatzen ari den ikasmaterialetarako estilo-liburuaren berri izan dugu.

Dokumentu ezbedinek osatuko dute liburua dirudienez, eta webgune horretan orain arte egindakoak ditugu.