Athletic gorrita nuria
2012, Iraila 12 - 12:26 — benitoArreta lortu du Bilboko Ulibarri euskaltegiaren matrikulazio kanpainak duda barik. "Sin euskera te pierdes muchas cosas" leloari tira kantu ezagunen bertsio "originalak" aurkeztu dizkigute bideoan eta karteletan.
Hemen dituzue kanpainako materialak
Kanpainak: HABE
2012, Iraila 6 - 22:32 — benitoKrisiak zer ekarriko eta -gehien bat- zer ez ekarriko gabiltza. Baina trankil iraileko matrikulazio kanpainak inoiz baino arma eraginkorragoak izango ditugu aurtengoan. Baietz!
HABErenarekin hasi gara. "Nik ere nahi dut".
Plan estrategikoa eta kronikak
2012, Apirila 19 - 19:20 — benitoHABEren Plan Estrategikoa ere gogoan izan dugu eta beste behin argi azaldu dugu haren xedeetako bat ikasleak euskalduntze sistemaren erdigunean jartzea eta euskaltegiei protagonismo handiagoa ematea dela. Arrazoi batzuengatik, aldaketa dezente aurreikusten ditugu euskaltegietan.
HABEren Zuzendaritza Batzordea (bai, jende hau guztia) batu da gaur. HABEk zuzendaritza batzordea duela jakin duenarentzat ere zaila izan da orain arte hura batzen zenik jakitea, gaur berriz txoritxoak esan digu.
Eta txoritxoaren ostean Lurdes Auzmendik bilera horren laburpen-kronika bota du bere blogean.
Gauza berri gutxi kronika horretan, Gobernuaren deskargua iruditu zait batzuetan. Eztabaidarik ez da aipatu laburpen horretan, baina berriro agertu da HABEren zorioneko plan estrategikoaren aipamenik.
Tira, agian egun baten Twitter-en bidez emango digute han eta hemen aipatzen ari diren plan estrategiko horren helbidearen berri, Pdf reglamentarioa izan arren.
HABEko zuzendariari elkarrizketa: "HABE fosilizatuta bezala zegoen"
2012, Martxoa 28 - 12:36 — benitoIñaki Uribe HABEko zuzendariari elkarrizketa egin diote Argiakoek. HABEren plan estrategikoa abiapuntu helduen euskalduntzea hemendik aurrera nondik nora joango den jardun du. Besteak beste:
- Ikasle gutxiago, %30eko jaitsiera hori. Eskolak euskalduntzen du eta horrez gain tituluen homologazioak eragina izango du.
- Ikasle gutxiago eta ordu gutxiago ere bai. Jendeak ez du ikastaro trinko-luzerik nahi.
- Ikasleak gero eta zaharrago, eta horiek euskalduntzea merezi ote duen-edo.
- Langabezian dauden gazteak xede-talde nagusia omen.
- Erabilera, mintza-praktika, barnetegiak... euskaltegiek landu beharreko esparruak.
Euskaltegi sare batzuk mailako probak direla eta
2012, Martxoa 26 - 11:27 — benitoEuskaltegi homologatu batzuetako ordezkariek idazkia zabaldu dute, hor HABEren mailak egiaztatzeko proben 2012ko ebazpenaz eta ikasleentzako diru-laguntzen murrizketaz. euren iritzia eta kezkak plazaratu dituzte.
116 argazki
2012, Martxoa 25 - 12:34 — benitoAEK-k Nafarroan kanpaini bati ekin dio: 116 argazki leloarekin hasi dira. Hasteko diaporama egin dute AEK-n euskara ikasten ari diren 120 talde eta 1.300 ikasleetako batzuei egindako argazkiekin.
Helduen euskalduntzearen herritartasuna eta herritarrek egiten duten ahalegina azpimarratu nahi dute Administrazioak lagundu beharrean sarri oztopoak jarri baino ez duenean egiten.
- 116 argazki. Herritarrek duzue giltza (Sustatu)
- Nafarroako euskaltegietatik (AEKren blogetan)
Gaur bertan
2012, Martxoa 20 - 13:23 — benitoGaur gelan ikasitakoa, gaur bertan kalean aplikatzea da helburua, ez seigarren urratsera iritsi arte itxaron behar izatea
25 urte egin ditu Goierriko Goiztiri AEK euskaltegiak, Karmele Santoyo irakaslearekin hitz egin eta erreportajea egin dute Goiberrikoek.
Produktibitatea
2012, Martxoa 11 - 20:59 — benitoKontuak atera, mesedez, egin kalkulua, Hezkuntzara bideratzen duzuen diruaren hamarrenarekin erdia produzituko genukeen
Aste honetako Argian euskara agiriak hezkuntza sistemaren kalifikazioekin homologatzeko dekretuari buruzko erreportajea dator. Miel Anjel Elustondok IKAko Jon Zabala eta Mailu Lasartek hitz egin du eta haiekiko solasaldian jaso zituen hitzok. Lehengo batean EAEko euskaltegiek Patxi Baztarrikari, orduko euskara sailburuordea, esanak-edo.
Produktibitate formulak (helduen) euskalduntzean aplikatu beharko dira bada.
Ulermena eta irakurmena euskaltegian zertifikatuko dira aurten
2012, Otsaila 24 - 00:21 — benitoBala-bala ibili da kontua azken asteotan -sugetzar baten antzera esango nuke- eta konfirmatu ez baina albistea hedabideetan agertzen hasi dela dirudi.
HABEren mailakako probetan euskaltegiek "protagonismo" handiagoa hartuko bide dute, eta entzutezkoaren ulermenaren eta irakurmenaren maila euskaltegiek eurek zertifikatuko dute eta proba ofizialetik kenduko dira proba horiek. Martxoaren erdi alderako zertifikatu beharko dira maila horiek Noticias de Alavak dioenaren arabera.
Ebazpena ez da agertu oraindik buletin ofizialean, eta HABEk berak ere ez du honen berririk eman.
Arturo Kanpion euskaltegiak 40 urte
2012, Otsaila 21 - 16:26 — benitoBatzuek euskaltegi bat zer den Patxi Lopezek ikasteko behar dituen dirutzen berri izan arte jakin ez duten arren, euskaltegiak ez dira atzo goizekoak, ez. 40 urte Iruñeko Arturo Kanpionek adibidez.