normalizazioa
Euskara ikasgai guztietan landu
...ez da nahikoa hizkuntza bat curriculumeko ikasgai izatea hizkuntza hori eskuratzeko. Gainontzeko ikasgaiek ere kontuan hartu behar dute irakas-hizkuntza
Euskara biziago ikastetxeetan hizkuntza-normalizaziorako proiektuen bidez jardunaldiaren hasieran bota ditu hitzok Kontseiluko idazkari nagusiak.
Euskara errepidera
...elebidun gehienak (% 66,3) urietan bizi dirala kontuan hartzen badogu, ezinbestekoa da uriburuetan eta errepide sare nagusietan pilatzen diran 10.000 biztanletik gorako udaletan euskeraz berba egiteko edota euskerea sustatzeko ekimenak bultzatzea.
Nola izan aktiboa?
Euskararekin aktibo jokatu nahi duenak zer aukera dituen erakusti nahi digu Buruntzaldea euskaraz-ek
Via Txerra.
Euskal Herrian Euskaraz dokumentala
Euskal Herrian Euskarazek dokumentala egin du bere 30 urteen errepaso modura. Hainbat pertsona agertzen dira bertan euren esperientziak eta gogoetak azalduz. Berria TBn dago ikusgai (ez dute enbotatzeko aukerarik ematen).
Euskaraz sozializatzea
Euskalduna euskaraz sozializatzen den gizaki bat da. Eta euskaraz bizi ez dena ez da euskalduna. Bizitza euskaldunak egiten gaitu euskaldun, ez sentimendu zehatz batek.
Euskararen liderrak
Euskararen ezagutza eta erabilera areagotuko bada, euskaraz bizitzeko nahia eta beharra dituzten pertsonek aitzindaritza hartu behar dute, euskararen gune sinbolikoa eratu behar dute. Hizkuntzari komeni zaio denok lider-rola geure egitea, aitzindariak izatea eta gure jardunaren bitartez akuilu lana eragitea.
"Follow the Leader" (Berria)
Euskaldun berriaren 1001 galderetako batzuk
Euskaldun berria naiz eta harro nago! Eta zu, euskaldun zahar hori, ez ote zara zaharregia niretzako? Txo, basko, emoztazu erraztasun apurtxue! Badakizu pribilegiatua zarela, euskaltasuna geneetan daramazula. Brontzezko estatua dirudizu hor goian gu euskaldun berri guztion gainean, zorabioa sumatzen duzu hona behera begiratzerakoan eta nahiago duzu eguna eman zerura begira. Zaharra eta zerutiarra, earra elementua! Apaldu eta jaitsi apal gainetik!
Ezaguera eta prezio politikoa
Ezaguera maila minimotik behera, ezinezkoa dela euskarak beharrezko maila lortzea. Alegia, erdaldun elebakarren maila jaitsi behar dela, derrigorrez. Eta horrek prezio politikoa duela.
Euskararen egoeraz (Gara)
Via Argia.
Udaltop 2011: zer da euskara ez dakitenenentzat?
Udaltop euskara-zerbitzuen topaketen 2011ko edizioaren gai nagusia erabaki dute dagoeneko: Zer da euskara euskaraz ez dakitenentzat? Haiek euskarara hurbiltzeko, zer eta nola egin daiteke udaletik?.
Helduen Euskalduntzetik gaia ez dugu urrun, ezta?
Via Euskara Gipuzkoan.
Euskararen Unibertsoa jardunaldia zuzenean
Euskararen Unibertsoa jardunaldia gaur ari dira Iruñean egiten. Kontseiluaren webgunetik jarraitu daiteke zuzenean, edo Twitter-etik.
Emozioak-gaitasuna-praktika
Motibazio-ezagutza-erabilera eskema berritu beharko litzateke: emozioak-gaitasuna-praktika izendapena erabili beharko genuke. Izan ere, gazteak euskaraekin emozionatzeko gai dira nahiz eta gutxi erabili. Gaitasuna ezagutza (dakizu edo ez dakizu) baino zabalagoa da. Eta, azkenik, gazteek zenbat egiten duten baino, zer egiten duten (praktika) galdetu beharko genuke.
Euskaltzaindiaren Gazteak, aisialdia eta euskara jardunaldian parte hartu du Jone Miren Hernandezek. Baina gu ere gazteak izan ginen! Gazte euskalduna izatearen esanahia atzo eta gaur hitzaldiaren laburpena egin digute Aisia.net-en, eta Txerrak ohartarazi digun modura motibazioa-ezagutza-erabilera trinomioaren ondorengoa proposatu digu: emozioak-gaitasuna-praktika.
Euskaltegiak "bikain"
BIKAIN erakundeetan euskararen kalitatea saritzen duen ziurtagiria da. Lehengo egunean banatu zituzten Donostian, eta 2009 eta 2010ean lortu duten entitateen artean (hau pdf-a da, bestela Bikainen webgunean ere badago) hiru euskaltegi edo euskaltegi-sare: AEK, Ulibarri eta Gabriel Aresti. Hirurek urrezko ziurtagiria.
Soziolinguistika eskuliburua
Euskararen normalizazioan dihardugunontzat interesgarria eta baliagarria izan daiteke dudarik gabe Soziolinguistika Klusterraren eskutik datorren Soziolinguistika eskuliburua lana.
Paperean eskuratu daiteke, baina sarean ere badago (pdf).
Egosi zaitez
Baina argi dago presiorik gabe ez dela pizten behar den aldaketa, garbantzuak eguzkitan jarrita edo "egosi zaitez" eltze ertzean xuxurlatuz egosten ez diren bezalaxe.
Presioaren alde (Tiraka)
Dantzan
Demagun zuk dantza egin nahi duzula, eta zure irakasleek-lagunek-lankideek diote hori denbora galtzea dela. Ez duzu inor ikusten dantza egiten eta komunikabideetan ez du lekurik eta lekua duenean dantzak eragiten dituen lesioak aipatzeko da. Uste duzu horrek ez duela eraginik motibazioan?
Mondragon Unibertsitatean egiten ari da Euskal Kulturgintzaren Transmisioa (EKT) ikastaroaren edizio berria. Ohi duten bezala, ikastaroa jarraitu eta zabaltzeko hainbat bide eman dizkigute: bloga, bideoak, irratsaioak.
Hain zuzen ere ikastaroaren blogean Patxi Gaztelumendik Julen Arexolaleibak eman duen hitzaldiaren laburpentxoa egin, eta Eneko B. izenekoak iruzkin batean utzi digu irudi hau. Ez dakigu ondo zein den iruzkinaren testuingurua, hitzaldiaren bideo edo berri gehiago ez dute zabaldu oraindik, baina irudiak jokoa ematen du motibazioaz eta testuinguruaz ari bagara.
- « lehenengoa
- ‹ aurrekoa
- 1
- 2
- 3
- 4
- 5
- 6
- 7
- 8
- 9
- …
- hurrengoa ›
- azkena »
Bilatu
Harpidetu
Azken iruzkinak