euskaltegiak
AEK-k hitza eman
Hasi dira 2011-12rako matrikulazio kanpainak agertzen. AEK izan da lehenengoetako bat. "AEK-k hitza ematen dizu" aurtengo slogana.
BlogaBoga: Legazpi6ren bloga
Udan zehar agertu direnen artean Legazpi6 euskaltegikoen blog berria dugu. Orain arte ikusi ditugun euskaltegien blog "korporatiboen" artean berezia. Pertsonaia batzuen aurkezpenak publikatu dituzten orain arte. Apur bat kriptikoa egin zaizkit deskribapenak, baina esango nuke bertoko irakasleek hartu dituzten ezizenak, abatarrak edo alter-egoak direla (batez ere mezuak udan publikatu direlako... ;-) ).
Aurkezpenen ostean KomaHantxe, Pinpilinperpauxa, e-poxpolin eta bestek zer ekarriko diguten zain.
HABE: 2011/12ko ekitaldi akademikoa
Duela urte batzuetatik hona HABEk ikasturte berriari hasiera emateko ekitaldi akademikoa antolatzen izan du. Aurtengoa irailaren 16an Donostiako Miramar Jauregian izango da. Aditu baten hitzaldia izaten da ekitaldiaren ardatza, eta aurten Carles Monereo irakaslea izango da protagonista.
Bide batez, aurten urrunetik jarraitzeko aukera emango dute.
Inoiz ez da beranduegi euskara ikasteko II
Zuzeun duela aste batzuk publikatu zuten erreportaiaren bigarrena atala agertu da egunotan. Oraingoan Maizpiden ari diren ikasle biren esperientziak eta sentsazioak ekarri dizkigute. Kontrajarriak batzuetan: "Gramatika ez zait buruan sartzen, arau asko daude", "Ahozkoa asko kostatzen zait. Lotsa ematen dit eta urduri jartzen nahiz", ikasgela gehienetan aurkitu ditugunak bezalakoak.
Emakumeen kontua edo oilasko banarena
Arabako euskaltegien gaineko erreportaia ekarri digute Noticias de Alavakoek. Herrialdeko datu interesgarriak eman dizkigute, eta ikasleen profilen estatistikekin egin dute titularrerako jokoa: "El aprendizaje de euskera es cosa de mujer".
Esango nuke ez dutela izenburu egokiena aukeratu. Estatistika eta oilaskoen ipuinarenaz gain, komenientziako argudioak ateratzeko bidea ere izan daitezke horrelakoak.
"Inoiz ez da beranduegi euskara ikasteko" erreportaia
Noemi Rivera zuzeulariak izenburu hori duen erreportajea ekarri du Zuzeu-ra. Maizpide euskaltegiko irakasle batekin jardun du zer-nolako jendea eta zerk ekarrita biltzen den euskaltegira. Dirudienez sorta bateko lehenengoa da, "(I)" batekin zenbatuta argitaratu baita.
Ondo eginaren pagua
Nola uler daiteke egiten dugun lana hain ondo baloratzea, herri honen berreuskalduntzean betetzen dugun ezinbesteko funtzioa goraipatzea, hori guztia esatea eta jasotzen dugun finantzazioa hain bigarren mailakoa izatea? Helduen Euskalduntze Alfabetatzea ikasleen, irakasleen eta euskaltegien borondatean, militantzian eta poltsikoetan oinarritu behar al da? Eta hori eskatuko al zaigu, lan hori guztia egiteko orduan, inoiz baino profesionalagoak izateko eskatzen zaigunean? Profesional eta eraginkor izaten ari gara -izan ere Euskara ikasi duten milaka herritar horiek ondo prestatutako irakasleak aurkitu dituzte euskaltegietan-; eta, hemendik aurrera, hobetzen segitu nahi dugu.
Euskaltegiek etorkizuna bermatuko duen marko egonkorra exijitu diote HPSri
AEKren webgunean irakurri dugu euskaltegien komunikatua.
Euskaltegia denontzat
En cuanto al dinero, aunque el aprendizaje del euskera cuenta con ayudas económicas, el gasto económico suele ser muy alto: matrículas, materiales ...etcétera. Es importante recalcar que en algunos casos los alumnos no se matriculan por falta de dinero. Y el euskera es nuestro idioma.
Diario Vascoko Debagoienako atalean aurkitu dut albiste hau. Hango udal euskaltegi batek "Euskaltegia denontzat" kanpaina jarri du abian langile murrizketak direla eta.
Albistean ez dute herriaren izenik aipatu. Twitter-en kontsulta eginda Oñatikoa izan daitekeela esan didate, baina seguru ez. Baten batek baieztatu ahal badu, estimatu egingo diogu. Gorka Bikuñak baieztatu digu, Oñati da (mila esker).
El euskaltegi para todos (Diario Vasco)
Europako Erreferentzia.... espazioa
(Irungo Udal Euskaltegia bihurtu) ...en un espacio de referencia a nivel europeo, algo que nos podría dar no solo un prestigio, sino que también nos permitiría avanzar en metodologías y distintos ámbitos que tienen que ver con la educación y el papel del euskera en la sociedad. Tenemos un euskaltegi que cumple muy bien su función, pero creemos que podemos dar un paso más
Hauteskunde kanpainan sartuta gaude bai. Eta diskurtso elektoralak diskurtso elektoralak dira, bai, baina kasu honetan ez dakit emozioa lartxo luzatu ez ote duten.
Santano apuesta por convertir el Euskaltegi «en un espacio de referencia» (Diario Vasco)
Desfasea
Como ya he comentado en otros post, tengo la impresión de que el actual modelo de euskalteguis ha quedado desfasado y requiere de una actualización en profundidad y la exploración de nuevas fórmulas pedagógicas que faciliten el acercamiento informal a la lengua.
Monolingües forzosos (Salda bero - Deia)
Estrategikotasunak
Estrategikoa da oso Kultura Sailarentzat euskaltegien lana. Krisi garaietan eta alderdi guztietatik murrizketak datozenean gogor borrokatu behar izan dugu Euskaltegietara bideratutako diru-laguntzei eusteko. Eta zentzu horretan poztekoa da gaur esan ahal izatea, neurri handi batean euskaltegien diru-laguntzei eutsi egin diegula
Udal Euskaltegientzako diru-laguntzen ebazpen berriaren harira bota ditu hitzok Auzmendik. Estrategikotasuna (gor)aipatu du dirudienez, ez dakit ondo estrategikotasun hori nola interpretatzen duen hala ere.
Politikariak euskaltegira
robergutierrez-ek tuiteatu du komiki hau. Ez dakit norena eta nongoa den, Montxokok Euskaraban publikatua. Ez dago txarto ideia, hauteskunde urtea eta hauteskunde urtea ez denerako.
Euskara ikasleen eskaera Euskarabideari
Nafarroako euskaltegietako ikasleek Euskarabidearen egoitzara joan ziren atzo euskara ikasteko baliabide eta balditza hobeak eskatzera.
Arazoak Amorebieta-Etxanoko Udal Euskaltegian
Amorebieta-Etxanoko Udal Euskaltegiko langileek arazoak izan dituzte aurten plantilaren murrizketak direla eta, irakasleen bajak bete ezin eta klase batzuk bertan behera utzi behar izan dituzte.
Protesta egin diote Udalari, eta tira-birak daude une honetan dirudienez.
Euskaltegietako ikasleentzako ikastaroak Jakintza Librearen jardunaldietan
Azkue Fundazioak Jakintza Librearen II. jardunaleiaren barruan euskara ikasleek Interneten zer dagoen jakin dezaten ikastaroak antolatu ditu gaur, bihar eta etzi. Sareko baliabideak ezagutu eta erabiltzea da asmoa. Ikastaroak Bilboko Euskararen Etxean egingo dira.
- « lehenengoa
- ‹ aurrekoa
- 1
- 2
- 3
- 4
- 5
- 6
- 7
- 8
- 9
- …
- hurrengoa ›
- azkena »
Bilatu
Harpidetu
Azken iruzkinak