administrazioa

Baliokidetutako euskara agirien zerrenda

Lotura

Hizkuntza-eskolen eta Hezkuntzaren agirien baliokidetzearekin, Eusko Jaurlaritzak euskara agiri guztiak elkarrekin eta Europako Markoarekin baliokidetzen dituen dekretua indarrean jarri du aste honetan.

Hemen daukazue tituluon zerrenda EEMaren arabera sailkatuta.

PDFn ere eskura dezakezue.

EGArena, Hezkuntza Sailaren bertsioa Amarauna saioan.

Lotura

Blogarian Amaraunean gaurko saioan Hezkuntza Saileko Iban Asenjok eman du administrazioaren bertsioa. Joxe Rojasek jarri du saioa podcast-ean eta grabazioaren hasieran entzun dezakezue.

Eguneraketa: 

Amaraunaren podcast-ean ere entzun dezakezue.

Udaltop: udaletako euskara zerbitzuen topaketak

Lotura

Maiatzean egingo dira topaketa hauek. Programak interegarria ematen du.

Euskara Gipuzkoan-en bidez: UDALTOP: udaletako euskara zerbitzuen topaketak

Bi hizkuntza, bi azterketa

Maite Goñi Amarauna saioan

Lotura

EGA materialak erreitiratzeko agindua dela eta, elkarrizketa egin diote gaur goizean Maite Goñiri Euskadi Irratiko Amarauna saioan. Maiteren hitzekin batera Ana Malagon, Haritz Rodrigez eta Goio Telletxea blogarien iritziak ere entzun ditzakegu.

Saioa Amaraunaren podcast-ean (audio fitxategiekin arazoren bat dagoela dirudi orain) edo Teknopata.net-en eskegitzen duten bitartean hemen entzun ahal duzue.

EGAko azterketak saretik kentzeko agindua

Lotura

Duela egun batzuk Maite Goñik EGAko 2008ko azterketan jarri zituen sarean online egiteko moldaketa lanak eginda. Gaur IKTeroak-en kontatzen duenez saretik kentzeko agindua jaso du. Liburu argitaratu berriak “bere ibilbidea egin arte” ezin zabaldu.

Ez dut jakin liburuak ibiltzeko hankarik eduki duenik. Aitzitik, baten batek hankak ipini eta orduan moztu egin dizkiotela iruditu zait gehiago. Tira, ez dagoen lekutik...

Euskara planak herri administrazioetan: jardunaldietako materialak

Lotura

Lehengo astean Bilbon egin ziren jardunaldietako aurkezpenak eta materialak eskuragai. Hauek iruditu zaizkit interesgarriak:

• Nola ekin langileen azterketa komunikatiboari (pdf. 168 Kb)- Jose Mari Arakama, HPSko normalkuntza-teknikaria
• Administrazioko norbanakoen hizkuntza-prestakuntza eta trebakuntza (pdf. 188 Kb)- Juan Isasi Urdangarin, IVAPeko euskarako zuzendariordea

Euskara21, hamalau ildo adostuta

Lotura

Euskara21 eztabaida prozesuaren lehenengo emaitza zabaldu da. Lehentasunezko 14 ildo adostu dira (azpimarrak nireak):

1. Euskararen ezagupena eta erabilera belaunaldi berrietan bermatzea.
2. Euskara ohiko hizkuntza izango duten arnasgune eta funtzioak zaindu, indartu eta hedatzea, euskararen belaunez belauneko transmisioa bermatzeko eta erreferentzialtasun soziala indartzeko. Azken batean, helburua ez baita euskararen ezagutza zabaltzea, besterik gabe, baizik eta euskal hiztunak sortzea.
3. Familia-transmisioa bermatzea, oso bereziki 25 urte barru izango diren 30 urtez azpiko gazte elebidunek euskara ere izan dezaten etxeko hizkuntza. Hauxe dugu etorkizunaren gako nagusia.
4. Euskal hiztunen erkidegoa trinkotzea, euskararen erabilerarako sare operatibo presentzialak zein birtualak hedatuz eta indartuz.
5. Hiri handietan euskara erabiltzeko aukerak areagotzea, familia euskaldunei, gazteei eta haurrei lehentasuna emanez.
6. Elebitasun pasiboa helduen munduan -eta gutxieneko helburutzat- areagotzea eta prestigiatzea.
7. Euskarazko kultura kontsumoa indartzea, euskal kultura industria, ekoizle eta sortzaileekiko ikuspegi emantzipatzaile batetik.
8. Euskara eta haren munduak etorkinengana hurbiltzea, hauen integrazio zabala eta aberatsa ahalbidetzeko eta euskara erabilera-eremu demografikoki dinamikoetara hurbiltzeko xedez.
9. Euskaraz komunikatzeko estandarrak malgutzea eta aberastea, hiztun berrien adierazkortasunaren mesedetan. Zuzentasunaren irizpide bakarretik komunikagarritasunarenera eta adierazkortasunarenera igarotzea.
10. Hizkuntza eskubideak eremu publikoan aitortu ez ezik errespetatzeko bidean, euskara erabiltzeko aukerak bermatzea.
11. Euskararen erakargarritasuna lantzea eta era egokian proiektatzea: euskarak mundu ugari ditu bere barnean, eta euskarara datozenen munduentzako tokirik ere badu bere barnean. Proiektatzen dugun baino anizkoitzagoa da euskararen unibertsoa, eta are anizkoitzagoa egin beharra dugu, gizartearen pare anizkoitza izatera iritsiko bada.
12. Euskararen irudiari prestigioa ematea, kultura eta komunikazioaren alorreko lorpenak garbi proiektatuz, batetik, eta, bestetik, euskal gizartearen kohesiorako osagai ezinbestekoa dela praktikan eta diskurtso publikoan adieraziz.
13. Hizkuntzaren teknologiak (informazio eta komunikazioaren teknologiak euskararen garapenerako baliatzea), sarerako euskarazko edukiak sortzea eta komunikaziorako sare birtualak era egokian baliatzea, euskararen normalkuntza eta erabilera aukeren mesedetan. Izan ere, euskara informazio eta komunikazioaren teknologiez baliatzen den hizkuntza izatea ezinbesteko baldintza baita hizkuntza garatua izango bada.
14. Hizkuntza politikaren inguruko akordiorik zabalena etengabe elikatu eta sendotzea, euskararen biziberritzea eta kohesio soziala estu lotuko dituen itun berritu baten bila.

Hemen Patxi Baztarrika Euskadi Irratian hamalaukoaz berbetan.

EAEko eta Nafarroako administrazioen artean akordioa.

Lotura

Euskara sustatzeko akordioa sinatu dute. Helduen euskalduntze eta alfabetatzean jarduerak koordinatzea dago barruan.

Erabilera planak herri-administrazioetan jardunaldiak

Lotura

Guri ematen duen baino gehiago interesatzen zaigula esango nuke.

Informazio gehiago hemen edo hemen.

Aldaketak irakasleen hizkuntz-eskakizunetako probetan EAEn

Lotura

Deialdi batean proba guztiak gainditu ez arren, gainditutako proben emaitzak gorde egingo dira deialdi batetik bestera eta ez da gainditutako proba errepikatu behar izango.

Nafarroako euskara ikasleen komeriak

Lotura

Nafarroako administrazio publikoko langile batzuek euskara ikasteko dituzten abenturen eta "erraztasunen" berri eman digute "Euskarabidea nos cierra la puerta" izenburuaren azpian.

Sareko Argiaren bidez.

Eusko Jaurlaritzaren 2009rako diru-laguntzak euskararentzat

Lotura

53,6 milioi guztira. HABErentzat 35,4, zatirik handiena. Asko? Gutxi? Nahikoa? Gehiegi?

Ope, ope, ope....

Lotura

80.000 lagun Osakidetzan sartzeko merituen bila. Martxo-apirilean probak.

Teknologia eta metodologia