Wwwhat's new-ren bidez ailegatu zaigu Goosegrade web2.0 zerbitzu berri honen albistea. Funtsean blog eta webguneetan egileei idazkiotan egin dituzten errore ortografiko edo gramatikalen berri emateko pentsatuta dago.

Gune edo egile bakoitzak puntuazio bat dauka eta egiten eta zuzentzen dituen erroreen arabera aldatuko da puntuazio hori. Goiko bideo horretan azaltzen dute funtzionamendua grafikoki.

Ideia interesgarria, oraindik ez dut asko saltseatu eta ez dakit ingelesa ez beste hizkuntza batzuk ere onartuko ditueen, baina nago gure blogosferan batetik, eta euskararen irakaskuntzan bestetik, Xuxen bezalako zuzentzaile automatikoez gainera, horrelako zuzentzaile soziala-edo deitu daitekeena ideia ona izan daitekeela. Ala ez? Kontzeptu berria edozelan ere.

Lotura: Goose Grade

Mogulusen aurkitu dugu kanal hau. Ikasten.net-ekin lotua.

Ematen du katuak eta txakurrak hizkuntzak ikasteko erakunde eta enpresen publizitatean topiko bihurtzeko bidean daudela.

Berlitz hizkuntz irakaskuntzako enpresaren publizitatea. Bi asterako asko, ezta?

Lucille Ball eta Desi Arnaz aktore eta senar-emazteek egiten zuten I love Lucy telesaioaren pasartea.

Language Lab Unleashed blogaren bidez ezagutua: The joys of multilingual translation, brought to you by “I Love Lucy”

Goienaren bideo erreportaia: AEKren ikasturtea martxan da, zenbait nobedaderekin.

Goienaren erreportaia: "Wanted" kanpaina abiarazi dute Leintz eta Arrasateko Udal euskaltegiek

IKTeroen bidez.

Ingelesa irakasten duen (edo ingelesez trebatzen duen) eskola baten iragarkia. Baten bati ideiaren bat ematen badio-edo. Ez naiz itzulpena hemen ipintzera ausartuko.

WTF-Microsiervosen bidez.

Tipi-ttaparen  erreportaia: Matrikulazio kanpaina ireki du Bortzirietako IKA Euskaltegiak

Bai & By.

Canal de Historia-n dokumental honekin egin dut topo. Munduan hizkuntza zertan den, galbidean dauden hizkuntzak, hizkuntza minorizatuak, slang-ak, identitatea, emozioak... Interesgarria benetan. Hiztunen esanak gehien bat. Aditu batzuk ere tartean: David Cristal, Peter Austin, eta Jørgen Rischel hain zuzen ere.

Dokumentalaren jatorrizko izena "Voices of the World" da,  Janus Billeskov Jansen eta Signe Byrge Sørensen daniarrek zuzendu zuten 2005 urtean. Instituto lingüistico de invierno-n topatu dugu informazioa eta bideoaren lotura.

PD: Badakizue, David Crystal ostiral honetan izango da Donostian.

AEKren 0809 kanpainaren spota.

Gipuzkoako Udal Euskaltegien spot-a ikasturte berrirako.