...ba beno, nire alabak ere ikasi dute abestia, deskargatu dute,… baina lagunekin erderaz hitzegiten jarraitzen dute.

Ikas-irakas prozesuetara etorrita, arazoa ez da ikasgela ordenagailuz betetzea eta ordenagailugela bilakatzea. Arazoa ez da ikasleak hainbat baliabide informatiko baliatzen irakastea. Hori, seguruenik, ezinbestekoa izango da. Baina sakonagoa da ikas/irakaskuntzan aldatu beharrekoa: IKTak ikas/irakas prozesuetan integratzea.

Ikasleek beren hizkuntza-gaitasunen berri izatea ezinbestekoa da ikaskuntzaren autonomia garatzeko. Egun dugun arazo larria dela uste dut ikasleek beren hizkuntza aurrerapena ebaluatzeko duten gaitasunik ez. Oso zaila da autoebaluaziorako gai den ikasle batekin topo egitea.

Gela guztiek interneterako sarbidea izatea komeni da baita ikasleentzako ordenadore batzuk gelan bertan edukitzea ere, badakigu jakin egoera hori ez dela gaur egungo errealitatea, baina horretara jo beharko genuke. Ordenadore guztiak gela batean jartzen baldin badira, eta denak bertara joan behar izanez gero ordenadorea erabili nahi den bakoitzean, azkenean, joan-etorriak joan-etorri, ez da ordenadorea erabilko ez baita erosoa izango...